Til hamingju með nýja pottinn!
Vinsamlegast horfðu á myndbandið í fullri lengd.
Smelltu hér fyrir myndbandið 👉🏼 Uppsetning á Rafmagnspotti frá Heitirpottar.is
1.0 Lesa Owners Manual/bækling
Þetta er mikilvægasta skrefið sem má ekki sleppa! Ef ekki er fylgt rétt eftir leiðbeiningum skilgreint í manual/bækling, þá hefur pottaframleiðandi rétt á að ógilda ábyrgðina.
Manual/bæklingurinn er staðsettur í poka sem hengdur er á rafmagnstöflu í pottinum.
- Inni í poka eru einnig auka þéttihringir; fyrir hitara og dæluhús. Þessir þéttihringir eyðast með tímanum, og það þarf að skipta um þá á einhverjum tímapunkti, líftími þéttihringja getur verið um 2-7 ár (með réttri hreinsiefnanotkun endast þeir lengur).
Arctic Spas Owners Manual:
-< Owners Manual á ENSKU >-< Owners Manual NORSKU >-< Owners Manual á FRÖNSKU >-
2.0 Rafmagnstenging á potti
Stærð á öryggi og þykkt á rafmagns streng. Pottur skal vera á sér öryggi, eingöngu fyrir rafmagnspott, í rafmagnstöflu. Sérmerkja sem "rafmagnspottur" í rafmagnstöflu. Kaupanda á að vera ljóst hvernig pott hann er fjárfesta í og getur komið upplýsingum til rafvirkja.
| Rafmagnstenging: Arctic Spas | 1-fasa tenging | 3-fasa tenging |
| Prestige Edition (1 dælu pottur): | 32amp - 6Q | 3x16amp - 2,5Q |
| Signature Edition (2 dælu pottur): | 32amp - 6Q | 3x16amp - 2,5Q |
| Legend Edition (3 dælu pottur): | 40amp - 6Q | 3x20amp - 2,5Q |
| SDS Edition (4 dælu pottur): | 50amp - 6Q | 3x20amp - 2,5Q |
| Rafmagnstenging: Queen & The Eye | 1-fasa tenging |
| 1 dælu pottur: | 32amp - 6Q |
| Rafmagnstenging: Arctic Spas Sundlaugarpottur | |
|
Prestige Edition (1 dælu pottur): |
|
| SDS Edition (4 dælu pottur): |
2.1 Rafvirki:
Lesa rafmagnsleiðbeiningar innan á lokinu af rafmagns kassanum í rafmagnspotti, þar kemur allt fram hvernig á að tengja, 1. fasa eða 3 fasa. Hvort það þarf að fjarlægja lúppur og þá hvaða lúppur.
2.2 Rafmagnskapall:
Bora þarf gat í gegnum botn eða á hlið pottarins til þess að koma rafmagnskapli inn. 19mm bor hentar vel í þetta verkefni. Passa að bora ekki í slöngur eða annan rafbúnað þegar borað er í gegnum botn eða hlið pottarins.
ATH: Rafmagnskapall 🚫 Lúga á potti (Arctic Spas pottar)
Athygli er vakin á að EKKI má setja rafmagnskapal inn um þetta gat/lúgu:
Þessi lúga er einstefnu lúga og er gert fyrir vatn, ef leki kemur úr potti, þá streymir vatn þarna út til að vernda rafbúnaðinn. Mýs komast ekki inn um þessa lúgu þar sem það opnast bara út. Ef rafmagnskapall fer þarna í gegn, þá ertu búinn að búa til inngang fyrir mýs! 🐁
3.0 Áfylling með köldu kranavatni
Áfylling skal ALLTAF vera í gegnum síuhólfið. Engin sía skal vera í síuhólfi/hólfum þegar vatn er sett í pottinn. Slanga sett ofan í síuhólfið og potturinn fylltur af vatni.
VARÚÐ: Ef það er ekki gert; þá getur hitari brunnið yfir og er það ekki bætt sem ábyrgðartjón, heldur flokkast undir gáleysi eiganda og ber hann ábyrgð á hitara.
4.0 Gangsetning
Gangsetning á potti, má ekki fara fram, fyrr en vatnið er komið 5 til 10 cm upp yfir síu hólfið. Oftast er miðað við að fyllt er upp að neðstu brún höfuðpúðan, en það má fara 1-3 cm yfir höfuðpúða.
Arctic Spas pottar, vatnshæð:
Queen & The Eye pottar, vatnshæð:
Þeir sem vilja hafa pottinn djúpann, þá má helst ekki fylla hærra en sem nemur 10 cm frá efstu brún pottarins. Ef fyllt er hærra en það þá kemur lokið til með að liggja ofan í vatninu sem styttir endingartíma þess verulega.
Heitirpottar.is leggja allan sinn metnað í að halda viðskiptavinum sínum upplýstum um mikilvægi þess að nota hreinsiefni rétt.
Rétt notkun viðurkenndra hreinsiefna gerir vatnið hreinna og viðskiptavinir nota pottinn sennilega meira og verða ánægðari viðskiptavinir. Ef einhverjar spurningar vakna um notkun hreinsiefna, þá koma í verslun, hafa samband með tölvupósti eða hringja.
Heitirpottar.is eru fyrst og fremst þjónustufyrirtæki fyrir pottaeigendur og viðskiptavini Heitirpottar.is.
- Er eitthvað óskýrt?
- Kanntu að meta þjónustuna?
Skildu eftir athugasemd hér fyrir neðan! 👇🏼
Ást og friður, Ari Steinn.
Svar við athugasemd:
Sæll Guðmundur! flott að heyra með pottinn❤️
1. Ég er búinn að finna stútinn á hliðinni fyrir slöngutengi, ég ég sé hvergi hvar á að opna botnloka ?
- Þarf að tosa stútinn út, losa tappann, svo ýta honum aftur inn og þá byrjar að leka úr pottinum.
Hér er myndband hvernig þetta er gert: https://www.youtube.com/watch?v=1OXII4cDFyY
2. Á að taka rafmagnið af á meðan ég læt renna úr pottinum ?
- Já! verður að slá pottinn út áður en tæming hefst. Við viljum alls ekki að potturinn sé í gangi með engu vatni í, fer sérstaklega illa með dæluna þar sem það er engin mótspyrna fyrir hana til að vinna á móti.
3. Er eitthvað annað sem þarf að hafa í huga við tæmingu ?
- Muna að fylla pottinn aftur í gegnum síuhólfið.
4. Það virðist ekki vera hægt að stilla hámarkshita meira en 40,0, er hægt að stilla hærra ?
- Allir framleiddir rafmagnspottar fara í hámark 40,5 gráður en viðhalda 40 gráðum. Við erum með nokkra rafmagnspotta (Arctic Spas) sem eru með leynistillingu🤫 og komast í 42,5 gráður !
5. Er ekki ráðlagt að stilla á lágmarkshita þegar maður fer í burtu í 2-3 vikur, þá hvaða hita ?
- Nei ekki endilega, ert ekki að spara mikið á því. Það væri ekki nema ef þú værir að fara lengur í burtu frá pottinum þá ráðleggjum við að lækka í honum. Aðallega útaf þá er minni hreyfing á bakteríunum frekar en orkusparnað. Mætti lækka hann um 10 gráður.
Hæ,
Ég er með 7manna drottningu/ rafmagnspott frá ykkur sem við erum rosalega ánægð með.
Ég er að fara skipta um vatn og þá vakna nokkrar spurningar:
1. Ég er búinn að finna stútinn á hliðinni fyrir slöngutengi, ég ég sé hvergi hvar á að opna botnloka ?
2. Á að taka rafmagnið af á meðan ég læt renna úr pottinum ?
3. Er eitthvað annað sem þarf að hafa í huga við tæmingu ?
4. Það virðist ekki vera hægt að stilla hámarkshita meira en 40,0, er hægt að stilla hærra ?
5. Er eki ráðlegt að stilla á lágmarkshita þegar maður fer í burtu í 2-3 vikur, þá hvaða hita ?